Pa sylfeini sydd eu hangen ar fy ystafell wydr??

Yn y bôn, mae sylfeini'n bodoli i ddal yr adeiledd uwch eu pen yn ei le. Heb sylfaen, gallai eich ystafell wydr ddioddef craciau neu ymsuddiant; gallai hyn achosi difrod sylweddol.

Fydd dim angen i syrfëwr rheoli adeiladu archwilio sylfeini ystafell wydr eithriedig, a gallech chi ddewis defnyddio cynllun sail barod neu adeiladu un ar y safle.

Hyd yn oed os nad oes angen cymeradwyaeth (os yw eich ystafell wydr wedi'i heithrio rhag y rheoliadau adeiladu) bydd angen seilio dyfnder eich sylfeini ar ffactorau fel y canlynol er mwyn osgoi problemau sy'n gysylltiedig â symud adeileddol neu leithder yn eich ystafell wydr:

• amodau'r ddaear
• dyfnder sylfeini'r tŷ sy'n bodoli
• lleoliad unrhyw ddraeniau
• llwyth yr adeiledd

Bydd gosodwr, dylunydd neu adeiladwr eich ystafell wydr yn gallu rhoi cyngor am y sylfeini cywir i'r gwaith, ac os oes angen cymeradwyaeth rheoliadau adeiladu (gallwch chi gael gwybod am hyn yma) bydd tîm rheoli adeiladu eich awdurdod lleol yn gallu helpu.

Rhagor o wybodaeth

A fydd angen cwrs gwrthleithder?

Mae gan fy nhŷ bilen nwy - a fydd angen un ar yr ystafell wydr hefyd?